شہدادپور(رپورٹ عمران قمر)
سنی رابطہ کونسل شہدادپور کی جانب سے 18 ذوالحجہ، یومِ شہادت حضرت عثمانِ غنی رضی اللہ تعالیٰ عنہ کے موقع پر مدحِ صحابہؓ و مطالباتی جلوس نکالا گیا جلوس سے امیر سنی رابطہ کونسل شہدادپور مفتی محمد فاروق، مفتی عبدالعزیز بروہی، مفتی بشیر احمد فاروقی، مولانا عثمان اور تصور حسین فاروقی نے خطاب کیا۔ مقررین نے اپنے خطابات میں حضرت عثمانِ غنی رضی اللہ تعالیٰ عنہ کی دینی، ملی اور فلاحی خدمات کو خراجِ عقیدت پیش کرتے ہوئے حکومتِ پاکستان سے مطالبہ کیا کہ 18 ذوالحجہ، یومِ شہادتِ حضرت عثمانِ غنی رضی اللہ تعالیٰ عنہ کے موقع پر سرکاری سطح پر عام تعطیل کا اعلان کیا جائے۔ جلوس میں علماء کرام، مشائخ عظام اور عوام الناس کی بڑی تعداد نے شرکت کی اور صحابۂ کرامؓ سے اپنی محبت و عقیدت کا اظہار کیا۔