ضلع کرم(حسین بنگش سے)
ایم پی اے علی ہادی عرفانی نے آج تفتان بارڈر پر پھنسے پاراچنار کے عوام کی باحفاظت واپسی اور درپیش مشکلات کے حل کے لیے اہم ملاقاتیں کیں۔سیکرٹری داخلہ سے ملاقات:جس میں تفتان میں پھنسے افراد کے مسائل پر تفصیلی گفتگو ہوئی۔ سیکرٹری داخلہ نے حکومتِ بلوچستان سے بروقت رابطہ کیا اور جلد از جلد قافلوں (Convoys) کی صورت میں لوگوں کو محفوظ مقام تک منتقل کرنے پر زور دیا۔سیکرٹری اوورسیز سے ملاقات کی اس ملاقات میں بھی تفتان میں درپیش مشکلات اور عوام کو لاحق مسائل سے آگاہ کیا گیا۔ سیکرٹری اوورسیز نے یقین دہانی کروائی کہ وہ اپنی بھرپور کوششوں کے ساتھ اس معاملے میں کردار ادا کریں گے تاکہ متاثرہ افراد کو جلد اور بحفاظت منتقل کیا جا سکے۔ایم پی اے علی ہادی عرفانی نے وزیرِاعظم آفس کو باقاعدہ خط ارسال کیا، جس میں تفتان میں پھنسے افراد کو پیش آنے والی شدید مشکلات، خوراک اور دیگر مسائل سے آگاہ کرتے ہوئے فوری احکامات جاری کرنے کی درخواست کی گئی تاکہ ان افراد کو بروقت محفوظ مقامات پر منتقل کیا جا سکے۔ان شا اللہ، ایم پی اے علی ہادی عرفانی پاراچنار کے عوام کے مسائل کے حل اور ان کی باحفاظت واپسی کے لیے ہر ممکن کوشش جاری رکھیں گے