جیکب آباد رپورٹ مجیب کھوسو
جیکب آباد کی تحصیل ٹھل میں ڈکیتی کی واردات کے دوران مزاحمت کرنے پر مسلح افراد نے ایک نوجوان کو تشدد کا نشانہ بنا کر زخمی کر دیا، جبکہ ملزمان موقع سے فرار ہونے میں کامیاب ہوگئے۔تفصیلات کے مطابق ٹھل کے اے سیکشن تھانے کی حدود اوڈھانو کے قریب نامعلوم مسلح افراد نے نوجوان *برکت بنگلانی* سے موٹر سائیکل چھیننے کی کوشش کی۔ اس دوران نوجوان کی جانب سے مزاحمت کرنے پر ملزمان مشتعل ہوگئے اور اسے تشدد کا نشانہ بنایا جس کے نتیجے میں وہ زخمی ہوگیا۔واقعے کے بعد ملزمان فرار ہوگئے جبکہ زخمی نوجوان کو طبی امداد کے لیے قریبی اسپتال منتقل کیا گیا جہاں اس کا علاج جاری ہے۔ واقعے کی اطلاع ملنے پر پولیس نے علاقے میں پہنچ کر معلومات حاصل کیں اور ملزمان کی تلاش شروع کر دی۔