تاریخی فتح: مینیسوٹا سے الہان عمر مسلسل پانچویں مرتبہ امریکی ایوانِ نمائندگان کی رکن منتخب؛ ریپبلکن حریف کو بڑے فرق سے شکست!

واشنگٹن / منیاپولس: امریکی مڈ ٹرم انتخابات میں ڈیموکریٹک پارٹی کی نمایاں رہنما اور ترقی پسند اسکواڈ (The Squad) کی اہم رکن الہان عمر نے ریاست مینیسوٹا کے پانچویں کانگریسی ڈسٹرکٹ سے مسلسل پانچویں مرتبہ امریکی ایوانِ نمائندگان کی نشست جیت کر ایک بار پھر تاریخ رقم کر دی ہے۔
غیرملکی خبر رساں ایجنسی کے غیر حتمی نتائج کے مطابق منیاپولس کے روایتی ڈیموکریٹک گڑھ سے الہان عمر نے اپنے ریپبلکن حریف جان ناگل (John Nagel) کو واضح اور بھاری اکثریت سے شکست دی۔ شدید سیاسی مخالفت کے باوجود شاندار کامیابی الہان عمر کی یہ فتح ان کے سیاسی کیریئر کی اہم ترین کامیابیوں میں شمار کی جا رہی ہے، کیونکہ وہ امریکی سیاست میں قدامت پسند اور ریپبلکن حلقوں کی جانب سے شدید تنقید کا نشانہ بنتی رہی ہیں۔
2018 میں پہلی بار امریکی کانگریس کا حصہ بننے والی الہان عمر کانگریس میں پہنچنے والی پہلی صومالی نژاد افریقی پناہ گزین اور ایوانِ نمائندگان میں پہلی مسلم خواتین میں شامل ہیں۔ منیاپولس اور اس کے گرد و نواح کے اضلاع سے پے در پے 5 مرتبہ منتخب ہونا ان کی مضبوط مقامی مقبولیت اور محنت کش طبقات، اقلیتوں اور تارکینِ وطن کی نمائندگی کا منہ بولتا ثبوت ہے۔ فتح کے بعد الہان عمر کا پیغامکامیابی کے بعد منیاپولس میں اپنے حامیوں سے خطاب کرتے ہوئے الہان عمر کا کہنا تھا کہ یہ فتح صرف ان کی ذاتی کامیابی نہیں بلکہ تعصب اور تقسیم کی سیاست پر جمہوریت، برابری اور عوامی طاقت کی فتح ہے۔ انہوں نے عزم ظاہر کیا کہ وہ ایوان میں عام شہریوں، صحت عامہ، اور آزادانہ خارجہ پالیسی کے لیے اپنی آواز بلند کرتی رہیں گی۔