رپورٹ: ملک جابر عبّاس ملتان
کراچی/ملتان: عید الاضحیٰ کے قریب آتے ہی کراچی سے ملتان جانے والی بسوں اور کوچ سروسز کے کرایوں میں غیر معمولی اضافہ دیکھنے میں آ رہا ہے، جس کے باعث مسافروں کو شدید پریشانی کا سامنا ہے۔ عید کے موقع پر گھروں کو جانے والے شہریوں نے ٹرانسپورٹ کرایوں میں اضافے پر تشویش کا اظہار کیا ہے۔
مسافروں کے مطابق عام دنوں کے مقابلے میں عید کے موقع پر کرایوں میں ہزاروں روپے تک اضافہ کر دیا گیا ہے، جبکہ مختلف ٹرانسپورٹ کمپنیوں کی جانب سے رش اور اضافی بکنگ کو جواز بنایا جا رہا ہے۔ شہریوں کا کہنا ہے کہ مہنگائی کے اس دور میں اضافی کرایوں نے سفر مزید مشکل بنا دیا ہے۔