کپاس کی بہتر پیداوار ہی کاشتکاروں کی خوشحالی کی ضامن:سیکرٹری زراعت پنجاب افتخار علی سہو

لاہور(نعیم احمدسے)سیکرٹری زراعت پنجاب افتخار علی سہو نے کہا ہے کہ کپاس کی بہتر پیداوار ہی کاشتکاروں کی خوشحالی کی ضامن ہے۔کپاس کی کاشت میں ڈویژنل و ضلعی انتظامیہ کا تعاون قابلِ ستائش ہیوائس اوورافتخار علی سہو نے ملتان میں کپاس بارے جائزہ اجلاس میں فیلڈ فارمیشنز کو ہدایت دی کہ کاشتکاروں کی رہنمائی میں بہترین پیشہ وارانہ صلاحیتیں بروئے کار لائیں۔ مارکیٹوں میں کھادوں کی مقرر کردہ قیمتوں پر دستیابی یقینی بنائی جا رہی ہے جبکہ زرعی زہروں میں ملاوٹ میں ملوث عناصر کے خلاف بلا امتیاز کارروائیاں جاری ہیں۔انہوں نے مزید ہدایت کی کہ ماہرین کی مشاورت سے موسمی صورتحال کے پیش نظر کاٹن ایڈوائزری جاری کی جائے۔ اجلاس میں بریفنگ کے دوران بتایا گیا کہ ملتان ڈویژن میں 7 لاکھ 75 ہزار ایکڑ رقبہ پر کپاس کی کاشت کا ہدف مقرر کیا گیا ہے جبکہ اب تک 81 فیصد ہدف حاصل کر لیا گیا ہے۔ اسی طرح ڈی جی خان ڈویژن میں 4 لاکھ 25 ہزار ایکڑ رقبہ پر کپاس کی کاشت کا ہدف مقرر کیا گیا جبکہ وہاں 93 فیصد ہدف حاصل کر لیا گیا ہے۔اجلاس میں عامر کریم خان، ڈپٹی کمشنر ملتان نے شرکت کی جبکہ متعلقہ اضلاع کے ڈپٹی کمشنرز آن لائن شریک ہوئے۔ اجلاس میں کمشنر ڈی جی خان سمیت متعلقہ اضلاع کے ڈپٹی کمشنرز نے بذریعہ ویڈیو لنک شرکت کی۔ اس موقع پر محکمہ زراعت و انہار کے افسران، کاشتکاروں اور دیگر اسٹیک ہولڈرز بھی موجود تھے۔