بوائے سکاؤٹ تحریک نوجوانوں کی کردار سازی میں اہم کردار ادا کر رہی ہے، سارہ حیات

چکوال (بیورو چیف جلیل نقوی): ڈپٹی کمشنر و صدر ڈسٹرکٹ بوائے سکاؤٹ ایسوسی ایشن چکوال سارہ حیات نے گورنمنٹ گرلز ہائی سکول نمبر 1 چکوال میں منعقدہ تقریب میں بطور مہمانِ خصوصی شرکت کی۔تقریب میں سی ای او ایجوکیشن محمد صفدر ملک، اسسٹنٹ کمشنر چکوال ارسلان سکندر، اسسٹنٹ کمشنر بوائے سکاؤٹ راجہ مجاہد افسر، سکول پرنسپل، اساتذہ اور بوائے سکاؤٹس کی بڑی تعداد شریک ہوئی۔اس موقع پر خطاب کرتے ہوئے ڈپٹی کمشنر سارہ حیات نے کہا کہ بوائے سکاؤٹ تحریک نوجوان نسل میں نظم و ضبط، حب الوطنی، کردار سازی اور سماجی خدمت کے جذبے کو فروغ دینے میں اہم کردار ادا کر رہی ہے۔ انہوں نے کہا کہ موجودہ دور کے چیلنجز سے نمٹنے کیلئے نوجوانوں کو مثبت سرگرمیوں کی جانب راغب کرنا وقت کی اہم ضرورت ہے۔