سکھر تمباکو نوشی اور اس سے متعلقہ بیماریوں سے بچاؤ کے لیے  کمیونٹی آگاہی سیشن

سکھر ( رپورٹ/ عبد الرحمان راجپوت ) سکھر تمباکو نوشی اور اس سے متعلقہ بیماریوں سے بچاؤ کے لیے تمباکو نوشی کرنے والوں کو معاون خدمات فراہم کرنے کے حوالے سے ایک اہم کمیونٹی آگاہی سیشن کا انعقاد کیا گیا، جس میں ماہرین اور سماجی رہنماؤں نے شرکت کی۔سیشن میں انور مہر، ڈاکٹر شبانہ شیخ، ثمرین نجیب لاکو، متبادل ریسرچ انیشیٹو (ARI) اور ناری فاؤنڈیشن کے عبدالوحید، NOWPDP کے اشرف پٹھان اور امجد مہر نے شرکت کی اور تمباکو نوشی کے بڑھتے ہوئے استعمال پر تشویش کا اظہار کیا۔مقررین نے کہا کہ ملک میں کروڑوں لوگ تمباکو کا استعمال کر رہے ہیں جس کی وجہ سے دل، پھیپھڑوں اور کینسر سمیت خطرناک بیماریوں میں اضافہ ہو رہا ہے جبکہ قومی معیشت کو بھی شدید نقصان ہو رہا ہے۔
شرکاء نے زور دیا کہ تمباکو نوشی چھوڑنے کے لیے آگاہی، مشاورت اور معاون خدمات کی فراہمی انتہائی ضروری ہے تاکہ لوگوں کو اس عادت سے چھٹکارا مل سکے۔