قاضی احمد(رپورٹ: سائیں بخش لاکھو)
قاضی احمد سرکاری اسپتال کے اندر 1122 ریسکیو گاڑی کی ٹکر لگنے کے نتیجے میں عمران آرائیں شدید زخمی ہوگیا۔ اسے تشویشناک حالت میں بیگم بلقیس سلطانہ زرداری ٹرسٹ کی ایمبولینس کے ذریعے نواب شاہ اسپتال منتقل کیا گیا، جہاں اسے آئی سی یو میں داخل کر دیا گیا ۔ تفصيل کے مطابق عمران آرائیں فجر کی نماز ادا کرنے کے بعد واک کر رہا تھا کہ اسی دوران 1122 ریسکیو گاڑی مبینہ طور پر اس پر چڑھ گئی، جس کے باعث وہ شدید زخمی ہوگیا۔ واقعے کے فوراً بعد اسپتال میں موجود افراد نے زخمی کو ابتدائی طبی امداد فراہم کی، جبکہ بعد ازاں مزید علاج کے لیے نواب شاہ منتقل کیا گیا۔