لندن+دبئی :عالمی و مقامی مارکیٹوں میں منگل کو سونے اور چاندی کی قیمتوں میں بڑا اضافہ ریکارڈ کیا گیا۔
عالمی بلین مارکیٹ میں سونا 41 ڈالر کے اضافے سے 4 ہزار 701 ڈالر فی اونس کا ہوگیا۔
بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 4100 روپے کے اضافے سے 4 لاکھ 92 ہزار 462 روپے پر جاپہنچا۔
اسی طرح دس گرام سونے کی قیمت بھی 3515 روپے کے اضافے سے 4 لاکھ 22 ہزار 206 روپے ہوگئی۔
یاد رہے کہ پیر کو سونے کی فی تولہ قیمت 5300 روپے کی کمی سے 4 لاکھ 88 ہزار 362 روپے ہوگئی تھی۔
دوسری جانب چاندی کی فی تولہ قیمت 395 روپے کے اضافے سے 8908 روپے ہوگئی۔