شاہراہ بھٹو کو عید سے پہلے عوام کیلئے کھول دیا جائے گا، وزیراعلیٰ سید مراد علی شاہ کا بڑا اعلان

وزیراعلیٰ سندھ مراد علی شاہ نے اعلان کیا ہے کہ کراچی کی اہم شاہراہ شاہراہِ بھٹو کو عیدالاضحیٰ سے قبل عوام کے لیے کھول دیا جائے گا، جس سے شہریوں کو آمدورفت میں سہولت میسر آئے گی۔
قیوم آباد تا سپر ہائی وے تعمیر کی جانے والی شاہراہ بھٹو(ملیر ایکسپریس وے)کو عیدالاضحیٰ سے قبل ں ٹریفک کے لئے کھول دیا جائے گا ۔ پہلے کی طرح اس فیز کا افتتاح بھی چیئر مین پاکستان پیپلز پارٹی بلاول بھٹو زرداری سے کرائے جانے کا امکان ہے۔پبلک پرائیویٹ پارٹنرشپ کی تحت39کلومیٹر طویل سڑک کی تعمیر کا منصوبہ مکمل ہو گیا ہے شاہراہ کا بڑا کام قائدآباد سے سپر ہائی وے کی جانب ملیرندی پر 4 کلو میٹر ایلیویٹڈ سڑک( فلائی اوور) تھا ۔