لاہور:پنجاب میں سکولوں کے دوبارہ کھلنے کی تاریخ کا اعلان، صوبائی وزیر تعلیم رانا سکندر حیات نے صوبے کے تعلیمی اداروں میں جاری تعطیلات میں مزید توسیع نہ کرنے کا اعلان کر دیا ۔
صوبائی وزیر تعلیم رانا سکندر حیات نے اعلان کیا ہے کہ پنجاب میں سکولزیکم اپریل سے کھول دیئے جائیں گے۔ اپنے بیان میں رانا سکندر حیات نے جعلی خبروں اور افواہوں سے محتاط رہنے کی تلقین کی ۔
اس سے قبل ملک میں توانائی بحران کے باعث صوبہ پنجاب میں بڑے فیصلوں کی تیاری کرتے ہوئے تعلیمی اداروں میں 15 اپریل تک چھٹیوں کی سفارش کی گئی۔ میڈیا رپورٹس کے مطابق محکمہ توانائی کی جانب سے اہم سفارشات وزیراعلیٰ پنجاب مریم نواز کوپیش کی گئی ہیں جن کے تحت 15اپریل تک تعلیمی اداروں میں چھٹیوں کی سفارش کی گئی، سکولوں میں ہائبرڈ نظام تعلیم پر غور شروع کردیا گیا۔