ایران کے ساحلی شہر بندر عباس میں دھماکا، 4 ہلاک، ایرانی بحریہ کے کمانڈر کی ہلاکت کی تردید

تہران: جنوبی ایران کے شہر بندر عباس میں شارع معلم پر واقع ایک 8 منزلہ رہائشی عمارت میں گیس دھماکہ ہوا ہے۔ اس کے نتیجے میں 4 افراد ہلاک ہو گئے۔
ایران کا پورٹ سٹی بندر عباس آبنائے ہرمز کے نزدیک واقع ہے جہاں امریکا نے فضائی مشقیں شروع کی ہیں
ایران کی سب سے اہم اور عالمی شہرت یافتہ بندرگاہی شہر بندر عباس میں ہوا جو آبنائے ہرمز کے قریب واقع ہے جہاں امریکا نے بڑا جنگی بیڑہ بھیجا ہے۔
عالمی خبر رساں ادارے کے مطابق یہ خوفناک دھماکا بندرعباس کی 8 منزلہ عمارت میں ہوا اس کے کم از کم دو فلور مکمل طور پر تباہ ہوگئے۔
دھماکے میں متعدد گاڑیاں اور دکانیں تباہ ہوگئیں۔ تاحال کسی جانی نقصان کی اطلاع نہیں ملی ہے۔ البتہ ایمبولینسوں کو جاتے دیکھا گیا ہے۔
ایرانی حکام کا کہنا ہے کہ دھماکے کی اصل وجہ کا ابھی تک تعین نہیں کیا جاسکا ہے تاہم حکام تفتیش کر رہے ہیں۔
ریسکیو اور فائر فائٹرز نے موقع پر پہنچ کر امدادی کارروائیاں شروع کیں۔ زخمیوں کو اسپتال منتقل کیا جا رہا ہے تاہم کوئی واضح تعداد یا اموات کی تصدیق نہیں ہوئی۔
اسی طرح ایران کے جنوب مغربی صوبے کے شہر اہواز میں بھی ایک اور خوفناک دھماکا ہوا ہے جس میں 4 ہلاکتوں اور 14 افراد کے زخمی ہونے کی اطلاع ہے۔
تسنیم نیوز ایجنسی نے اس دھماکے میں ایرانی پاسداران انقلاب کی بحری فوج کے کسی کمانڈر کو نشانہ بنائے جانے کی تردید کرتے ہوئے کہا ہے کہ اس حوالے سے خبریں "مکمل طور پر غلط” ہیں۔ ادھر اسرائیل میں سیاسی ذرائع نے اس بات کی تصدیق کی ہے کہ تل ابیب کا ایران میں ہونے والے دھماکوں سے کوئی تعلق نہیں ہے اور نہ ہی اسے اس بارے میں کوئی علم ہے۔یاد رہے کہ بندر عباس آبنائے ہرمز کے قریب ایران کا ایک اہم تجارتی اور اسٹریٹیجک شہر ہے جہاں 26 اپریل 2025 کو ہونے والے دھماکے میں 60 کے قریب افراد ہلاک اور 100 سے زائد زخمی ہوئے تھے