کوئٹہ :صوبہ بلوچستان کے دار الحکومت کوئٹہ میں ایک عدالت نے صحافی شاہد میتلا کو جوڈیشل ریمانڈ پر جیل منتقل کرنے کا حکم دے دیا ہے۔
شاہد میتلا کو سابق وزیراعظم انوار الحق کاکڑ کی شکایت پر نیشنل سائبر کرائمز انویسٹی گیشن ایجنسی (این سی سی آئی اے) نے اسلام آباد سے گرفتار کرکے کوئٹہ منتقل کیا تھا۔
صحافی شاہد میتلا جوڈیشل ریمانڈ پر جیل منتقل
شاہد میتلا کو سابق وزیراعظم انوار الحق کاکڑ کی جانب سے پیکا کے تحت ہتک عزت کیس میں جوڈیشل کیاگیا
کوئٹہ، این سی سی آئی اے نے کیس میں نامزد شاہد میتلا کو آج کوئٹہ منتقل کیا
عدالت نے درخواست ضمانت کی سماعت کل بروز جمعہ مقرر کر دی۔ https://t.co/F3ciP0Vtvx
— Pakistan24 (@Pakistan24Tv) November 19, 2026
انھیں جمعرات کو جوڈیشل مجسٹریٹ نمبر سات کوئٹہ کی عدالت میں پیش کیا گیا۔ شاہد میتلا کی جانب سے راحب بلیدی ایڈووکیٹ، عزیر شاہوانی ایڈووکیٹ اور سجاد ابڑو ایڈووکیٹ عدالت میں پیش ہوئے۔
راحب بلیدی ایڈووکیٹ کے مطابق این سی سی آئی اے نے مزید جسمانی ریمانڈ کی درخواست نہیں کی، جس پر عدالت نے شاہد میتلا کو جوڈیشل ریمانڈ پر جیل بھیجنے کا حکم جاری کیا۔
ان کے بقول شاہد میتلا کی رہائی کے لیے ضمانت کی درخواست بھی دائر کر دی گئی ہے، جس پر عدالت نے کل کے لیے فریقین کو نوٹس جاری کر دیا ہے۔

