واشنگٹن: امریکی ایوانِ نمائندگان میں وزیرِ دفاع (وزیر جنگ) پیٹ ہیگسیتھ کے خلاف لائی جانے والی مواخذے کی قرارداد کو اکثریت نے مسترد کر دیا ہے۔
یہ قرارداد ریپبلکن پارٹی کے رکنِ کانگریس تھامس میسی کی جانب سے پیش کی گئی تھی، جس میں ایران کے خلاف مبینہ جنگی کارروائیوں، یمن اور وینزویلا کے معاملات اور جنگی قوانین کی مبینہ خلاف ورزیوں جیسے سنگین نکات اٹھائے گئے تھے۔ تاہم، ایوان میں ہونے والی ووٹنگ کے دوران زیادہ تر ریپبلکن اراکین نے اس اقدام کی مخالفت کی، جس کے نتیجے میں یہ قرارداد ناکام ہو گئی۔
پیٹ ہیگسیتھ اور ان کے حامیوں نے اس مواخذے کی تحریک کو سیاسی بنیادوں پر اٹھایا گیا قدم قرار دیتے ہوئے سختی سے مسترد کیا تھا، جبکہ امریکی صدر ڈونلڈ ٹرمپ نے بھی اس کوشش کے ناکام ہونے پر اطمینان کا اظہار کیا ہے۔ سیاسی تجزیہ کاروں کے مطابق، اس قرارداد کے مسترد ہونے سے موجودہ انتظامیہ کو بڑا ریلیف ملا ہے۔