ماورا حسین اور امیر گیلانی کے ہاں بیٹے کی پیدائش، نام ‘سید ازمر حسین کمال گیلانی’ رکھ دیا

پاکستان شوبز انڈسٹری کی ہر دلعزیز اسٹار جوڑی اداکارہ ماورا حسین اور اداکار امیر گیلانی کے گھر ننھے مہمان کی آمد ہوئی ہے، جس پر مداحوں اور ساتھی فنکاروں کی جانب سے مبارکباد کا سلسلہ شروع ہو گیا ہے۔ماورا حسین اور امیر گیلانی نے اپنے بیٹے کی پیدائش کا باضابطہ اعلان معروف سوشل میڈیا پلیٹ فارم انسٹاگرام پر کیا، جہاں انہوں نے بتایا کہ ان کے ہاں نومولود بیٹے کی ولادت ہوئی ہے اور اس کا نام ‘سید ازمر حسین کمال گیلانی’ رکھا گیا ہے۔اس حوالے سے اداکار امیر گیلانی نے اسپتال سے ایک ویڈیو بھی شیئر کی جس میں انہوں نے اپنے بیٹے کے خوبصورت نام ‘ازمر’ کا مطلب ‘شیر’ بتایا ہے۔ جوڑی کے اس اعلان کے بعد مداحوں اور شوبز شخصیات کی جانب سے نومولود کے لیے ڈھیروں دعائیں اور نیک تمنائیں پیش کی جا رہی ہیں۔