جنوبی کوریا: کئی دنوں سے پھنسی شارک کا سمندر میں جانے سے انکار، نہر میں دوبارہ آگئی

جنوبی کوریا میں پیش آنے والے ایک عجیب و غریب اور دلچسپ واقعے نے وائلڈ لائف ماہرین کو بھی حیران کر دیا ہے۔ ایک شارک مچھلی، جو کئی دنوں سے ایک مقامی نہر میں پھنسی ہوئی تھی، کو بڑی مشکل سے نکال کر سمندر میں چھوڑا گیا لیکن وہ حیران کن طور پر واپس اسی نہر میں دوبارہ آ گئی۔یہ شارک مچھلی جنوبی کوریا کے ایک ساحلی علاقے میں واقع تنگ نہر کے اندر کئی دنوں سے پھنسی ہوئی تھی، جسے ریسکیو ٹیموں نے بڑی کوشش کے بعد بحفاظت پکڑا تھا۔حکام اور ماہرینِ حیوانات نے اس شارک کو پکڑ کر کھلے سمندر میں بحفاظت چھوڑ دیا تھا تاکہ وہ اپنے قدرتی ماحول میں واپس چلی جائے۔ حیرت انگیز طور پر شارک نے کھلے سمندر میں رہنے یا جانے سے انکار کر دیا اور کچھ ہی دیر بعد تیرتے ہوئے واپس اسی نہر میں دوبارہ آ گئی۔ ماہرین اب اس بات پر غور کر رہے ہیں کہ آیا اس شارک کے اس غیر معمولی رویے کی وجہ کوئی طبی مسئلہ ہے، نہر کا ماحول اس کے لیے زیادہ سازگار ہے، یا وہ کسی وجہ سے وہاں مانوس ہو گئی ہے۔