ویب ڈیسک
خلیج بنگال میں ایک طاقتور ہوا کے کم دباؤ (Low-Pressure System) کے شدید سمندری طوفان میں تبدیل ہونے کے خطرے کے پیش نظر متعلقہ موسمیاتی اداروں اور ڈیزاسٹر مینجمنٹ اتھارٹیز کی جانب سے ہنگامی بنیادوں پر ریڈ الرٹ جاری کر دیا گیا ہے۔محکمہ موسمیات کے مطابق طوفانی ہواؤں کی شدت اور سمندر میں شدید طلاطم کے باعث آئندہ 5 روز تک صورتحال انتہائی حساس رہے گی۔ اس خطرے کے پیش نظر ماہی گیروں اور سمندری امور سے وابستہ تمام افراد کو سخت ہدایت کی گئی ہے کہ وہ اگلے چند دنوں تک خلیج بنگال کے خطرناک حصوں کا ہرگز رخ نہ کریں۔جو ماہی گیر پہلے سے ہی کھلے سمندر میں موجود ہیں، انہیں فوری طور پر محفوظ ساحلوں اور بندرگاہوں پر واپس لوٹنے کی سختی سے ہدایت کی گئی ہے۔ ساحلی پٹی کے رہائشیوں کو بھی محتاط رہنے اور انتظامیہ کی جاری کردہ ہدایات پر عمل کرنے کی اپیل کی گئی ہے۔