ملتان ( رپورٹ: ملک جابر عباس)
گورنمنٹ پائلٹ سیکنڈری سکول نواں شہر ملتان نے پاکستان کرکٹ بورڈ (پی سی بی) کے زیراہتمام منعقدہ کرکٹ مقابلے میں شاندار کارکردگی کا مظاہرہ کرتے ہوئے گورنمنٹ گلگشت ماڈل ہائی سکول کو شکست دے کر ڈسٹرکٹ لیول کرکٹ چیمپئن کا اعزاز اپنے نام کر لیا۔سنسنی خیز مقابلے میں کامیابی حاصل کرکے سکول کی ٹیم نے اپنی صلاحیتوں، بہترین ٹیم ورک، نظم و ضبط اور کھیل کے جذبے کا بھرپور مظاہرہ کیا۔ اس کامیابی کو سکول، ملتان اور جنوبی پنجاب کی تعلیمی برادری کے لیے ایک قابلِ فخر اعزاز قرار دیا جا رہا ہے۔اس شاندار کامیابی پر پرنسپل سید تنویر الرحمان شاہ، آصف اقبال، مشتاق بٹہ، اساتذہ کرام، اسٹاف ممبران، کوچز اور پوری کرکٹ ٹیم کو مبارکباد پیش کی گئی۔تعلیمی حلقوں کے مطابق کھیلوں کی سرگرمیاں طلبہ میں خود اعتمادی، نظم و ضبط، ٹیم ورک اور مثبت سوچ کو فروغ دینے میں اہم کردار ادا کرتی ہیں۔ گورنمنٹ پائلٹ سیکنڈری سکول نواں شہر کی یہ کامیابی دیگر طلبہ کے لیے بھی حوصلہ افزائی کا باعث بنے گی۔