ساہیوال (خصوصی رپورٹ):وزیراعلیٰ پنجاب مریم نواز شریف کے تاریخی دورۂ ساہیوال نے شہر میں عید جیسا سماں باندھ دیا۔ ساہیوال آمد پر عوام اور کاشتکاروں کے جمِ غفیر نے سڑکوں کے دونوں اطراف پھولوں کی پتیاں نچھاور کر کے اور پرجوش نعرے بازی کے ساتھ ان کا شاندار اور تاریخی استقبال کیا۔ وزیراعلیٰ پنجاب نے ساہیوال کے شہریوں اور کاشتکار بھائیوں کے لیے 5 ارب 61 کروڑ روپے کی لاگت سے مکمل ہونے والے 4 میگا پراجیکٹس کا افتتاح اور سنگِ بنیاد رکھا۔
وزیراعلیٰ مریم نواز شریف نے ساہیوال میں صوبے کے پہلے ‘مریم نواز سپورٹس ایرینا’ کا باقاعدہ افتتاح کیا۔ دورے کے دوران وزیراعلیٰ نے سپورٹس ایرینا کی تمام سہولیات بشمول پیڈل کورٹ، کرکٹ ایرینا، فٹ سال ایرینا اور کیفے کا جائزہ لیا۔
میدان میں پہنچ کر وزیراعلیٰ مریم نواز شریف کا ایک الگ اور پرجوش انداز دیکھنے کو ملا؛ انہوں نے کرکٹ ایرینا میں بیٹ تھام کر خوبصورت شاٹس کھیلے اور فٹ بال کو کک لگا کر کھیل کا آغاز کیا۔ وزیراعلیٰ نے نوجوان کھلاڑیوں اور بچوں سے بات چیت کی، ان کی شرٹس، ریکٹس اور پوسٹرز پر آٹو گراف دیے، اور ‘دیوارِ تشکر’ و ‘دیوارِ محبت’ کے سامنے تصاویر بنوائیں۔ اس موقع پر وزیراعلیٰ اور صوبائی وزیرِ اطلاعات عظمیٰ بخاری نے پارک میں بچوں کے ساتھ جھولے بھی لیے۔
She told me, "You gave me a scholarship. You also gave me a laptop, and now you’ve even given me a home." I asked her, "How did you get a home?" She said she had received a house under the Apna Ghar Scheme in Okara. MashAllah! https://t.co/RwfqfBR2la
— PMLN (@pmln_org) October 16, 2026
جدید سہولیات سے آراستہ اس ایرینا میں دن کے وقت خواتین اور شام کے وقت مرد حضرات کے لیے آن لائن بکنگ کا بہترین نظام فراہم کیا گیا ہے۔
کاشتکاروں کی خوشحالی کے لیے انقلابی قدم اٹھاتے ہوئے وزیراعلیٰ مریم نواز شریف نے ساہیوال ‘ماڈل ایگری کلچر مال’ کا باضابطہ افتتاح کیا۔ اس کے ساتھ ہی انہوں نے پنجاب کے دیگر 10 اضلاع—جھنگ، فیصل آباد، رینالہ خورد، خانیوال، جام پور، بورے والا، صادق آباد، مریدکے، پنڈی گھیپ اور میانوالی میں بھی ماڈل ایگری کلچر مال پراجیکٹس کا سنگِ بنیاد رکھا۔
زرعی مال کے معائنے کے دوران وزیراعلیٰ نے جدید زرعی مشینری، بشمول ڈرون سپرے مشین، سیلج، ہارویسٹر اور رائس پلانٹر کا جائزہ لیا اور وہاں موجود کاشتکاروں سے براہِ راست گفتگو کی۔
ایگری کلچر مال میں ایک ہی چھت تلے تصدیق شدہ بیج، کھاد، پیسٹی سائیڈز اور فنانشل سروسز/کریڈٹ سپورٹ کی دستیابی کی سہولیات فراہم کی گئی ہیں جبکہ کاشتکاروں کو ڈرون ٹیکنالوجی اور جدید زرعی آلات رعایت پر رینٹ (کرائے) پر ملیں گے۔
اسی طرح زرعی ماہرین سے مشاورت، کراپ مینجمنٹ ٹریننگ ہال، اور کوالٹی کنٹرول و سائل ٹیسٹنگ کی جدید سہولت بھی فراہم کی جائے گی ۔
وزیراعلیٰ مریم نواز شریف نے ساہیوال کے تاریخی صدر بازار کے بیوٹیفکیشن ماڈل پراجیکٹ کا افتتاح کیا۔ وزیراعلیٰ کی آمد پر بازار میں ہزاروں شہریوں کا سمندر امڈ آیا۔
اس پراجیکٹ کی خاص بات یہ ہے کہ ساہیوال کی تاریخ میں پہلی بار بجلی کے تاروں اور تمام یوٹیلٹیز کی انڈر گراؤنڈ وائرنگ کی گئی ہے۔ بازار میں دلکش داخلی گیٹس، ٹف ٹائلز، پیدل گزر گاہیں (پیڈسٹرین زونز)، خریداروں کے سستانے کے لیے بینچ، پلانٹرز اور ویسٹ بنز نصب کیے گئے ہیں۔
وزیراعلیٰ نے 27 کلومیٹر طویل ساہیوال-عارف والا دو رویہ سڑک پراجیکٹ کی تختی کی نقاب کشی کر کے باقاعدہ آغاز کر دیا۔ اس سٹیٹ آف دی آرٹ سڑک کی تعمیر سے 3 اضلاع کے لاکھوں شہریوں کو سفر کی بہترین اور تیز ترین سہولت ملے گی۔ ارکانِ اسمبلی نے اسے خطے کا تاریخ ساز منصوبہ قرار دیتے ہوئے حکومت کا شکریہ ادا کیا۔
عوام سے محبت کے جذبات
افتتاحی تقاریب کے دوران وزیراعلیٰ مریم نواز شریف کی عوام دوستی کے مناظر نمایاں رہے:
سڑک کنارے کھڑی ایک بزرگ خاتون کو دیکھ کر وزیراعلیٰ خود ان کے پاس پہنچیں اور انہیں محبت سے گلے لگایا۔
ایک کمسن بچے کی فرمائش پر اس کے ساتھ سیلفی بنوائی۔
وزیراعلیٰ مریم نواز شریف نے متعلقہ حکام کو ساہیوال کے روڈز پراجیکٹس کی جلد از جلد اور معیاری تکمیل کی سخت ہدایت کی تاکہ عوام کو ان کے ثمرات بلا تاخیر حاصل ہو سکیں۔