آر پی او نے تمام مسائل اور شکایات کے فوری حل کے لیے متعلقہ پولیس افسران کو احکامات جاری کیے
سرگودھا (راجہ نورالہی عاطف سے)
آر پی او سرگودھا رینج محمدشہزاد آصف خان نے آر پی او آفس میں روزمرہ کھلی کچہری کا انعقاد کیا ۔ جس میں آنے والے تمام شہریوں کے مسائل کو سنا اور شکایات کی فردا” فردا” سماعت کی ۔ اس موقع پر آر پی او نے تمام مسائل اور شکایات کے فوری حل کے لیے متعلقہ پولیس افسران کو احکامات جاری کیے اور انچارج کمپلینٹ سیل کو مقررہ مدت کے اندر رپورٹ پیش کرنے کی ہدایت کی۔ انہوں نے کہا کہ کھلی کچہری مسائل کی نشاندہی اور شہریوں سے براہ راست ملاقات کا موثر ذریعہ ہے۔ جس میں کوئی بھی شہری براہ راست ملاقات کرکے پولیس سے متعلق شکایت بیان کرسکتا ہے۔