سکھر (رپورٹ/عبدالرحمان راجپوت)
راجپوت برادری اتحاد پاکستان کے لیے ایک اہم اور خوش آئند پیش رفت سامنے آئی ہے، جہاں راجپوت برادری کی فلاح و بہبود اور روشن مستقبل کے عزم کے تحت ’’روشن مستقبل ویلفیئر ایسوسی ایشن‘‘ کے نام سے تنظیم کی رجسٹریشن مکمل ہوگئی ہے۔
تنظیم کی رجسٹریشن کو راجپوت برادری کے اتحاد، اتفاق اور اجتماعی جدوجہد کی اہم کامیابی قرار دیا جا رہا ہے۔ اس سلسلے میں راجپوت برادری اتحاد پاکستان کے صدر سہیل راجپوت سمیت دیگر عہدیداران اور ممبران نے بھرپور کاوشیں کیں، جن کے نتیجے میں یہ اہم مرحلہ پایۂ تکمیل تک پہنچا۔
راجپوت برادری کے بزرگوں، عہدیداران اور ممبران نے تنظیم کی رجسٹریشن پر خوشی کا اظہار کرتے ہوئے کہا کہ کسی بھی برادری کی ترقی کے لیے اتحاد، اتفاق، باہمی تعاون اور اجتماعی سوچ بنیادی اہمیت رکھتے ہیں۔ ’’روشن مستقبل ویلفیئر ایسوسی ایشن‘‘ کا قیام بھی اسی جذبے کی عملی عکاسی ہے۔
اس موقع پر عمران راجپوت نیو پنڈ، پریس سیکریٹری نعیم اختر راجپوت، عدنان راجپوت، شیخ شاہین روڈ، اور عبدالرحمان راجپوت نیو پنڈ کی جانب سے راجپوت برادری اتحاد پاکستان کے صدر سہیل راجپوت، تمام عہدیداران، بزرگوں اور معزز ممبران کو دلی مبارکباد پیش کی گئی۔
مبارکباد دینے والوں کا کہنا تھا کہ ’’روشن مستقبل ویلفیئر ایسوسی ایشن‘‘ کی رجسٹریشن راجپوت برادری کے لیے ایک نئے اور مثبت دور کا آغاز ہے۔ امید ہے کہ تنظیم مستقبل میں برادری کے مستحق افراد کی مدد، تعلیم کے فروغ، نوجوانوں کی رہنمائی، سماجی بہبود اور دیگر فلاحی سرگرمیوں کے لیے مؤثر کردار ادا کرے گی۔
انہوں نے صدر سہیل راجپوت اور تمام عہدیداران و ممبران کی کاوشوں کو سراہتے ہوئے کہا کہ یہ کامیابی کسی ایک فرد کی نہیں بلکہ پوری برادری کے اتحاد اور مشترکہ جدوجہد کا نتیجہ ہے۔آخر میں عمران راجپوت، نعیم اختر راجپوت، عدنان راجپوت، شیخ شاہین روڈ اور عبدالرحمان راجپوت نیو پنڈ نے راجپوت برادری اتحاد پاکستان کے تمام بزرگوں، عہدیداران اور ممبران کو ’’روشن مستقبل ویلفیئر ایسوسی ایشن‘‘ کی رجسٹریشن مکمل ہونے پر دل کی گہرائیوں سے مبارکباد پیش کرتے ہوئے نیک خواہشات کا اظہار کیا۔