سیالکوٹ۔سلیم احمد اعوان شیخو
پولیس خدمت مرکز سیالکوٹ سے پولیس کریکٹر سرٹیفکیٹ حاصل کرنے کے لئے آنے والے شخص کو مذکورہ مرکز کے انچارج انسپکٹر شہباز احمد نے گرفتار کر لیا۔معلوم ہوا ہے کہ گرفتار ہونے والا شخص 40 لاکھ روپے کا جعلی چیک جاری کرنے اور فراڈ میں ملوث ہونے پر سرگودھا پولیس کو مطلوب تھا اور اس کے خلاف سرگودھا میں مقدمہ درج ہے لیکن مذکورہ شخص چالاک و ہو شیار بننے کی کوشش کرتے ہوئے کریکٹر سرٹیفکیٹ لینے سیالکوٹ پہنچ گیا لیکن گرفتار ہو گیا اور اس کی چالاکی و ہوشیاری دھری کی دھری رہ گئی۔پتہ چلا ہے کہ گرفتار ہونے والا شخص بیرون ملک جانے کے لئے کریکٹر سرٹیفکیٹ حاصل کرنا چاہتا تھا۔