خوشاب/سرگودھا ( راجہ نورالہی عاطف سے)
فاطمہ قمر پاکستان قومی زبان تحریک صدر شعبہ خواتین کی طرف سے یوم آزادی کے حوالے سے خواتین کی ایک خصوصی شاندار نشست کااہتمام کیا گیا۔ جس میں شامل معروف مصنفہ مسرت کلانچوی، ڈاکٹر فضیلت بانو، ڈاکٹر حمیرا ارشاد، ڈاکٹر عظمیٰ زریں، ثریا شاہد، روبینہ شاہین، صائمہ ممتاز، نبیلہ اکبر اوراریبہ رسول سمیت دیگر خواتین نے اپنے وطن سے محبت کا اظہار اپنے خوبصورت خیالات کی صورت میں کیا ۔ انہوں نے کہا کہ ضرورت اس بات کی ہے کہ آج کی نوجوان نسل کو بتایا جاءے کہ یہ ہمارا پیارا پاکستان کس مقصد کے لیئے بنایا گیا اور ہمارے بزرگوں نے اس وطن کو حاصل کرنے کے لیئے کتنی قربانیاں دیں۔مقررین نے کہا کہ اسلامی معاشرے کی اقدار کو فروغ دیاجاءے اور ہمارے دو قومی نظریہ پاکستان کے تحت حصول وطن کو پیش آنے والے واقعات کو اجاگر کیاجاءے۔ اس شاندار تقریب کی میزبانی فاطمہ قمر نے کی طرح طرح کے مزیدار پکوانوں سے مہمان خواتین کی تواضع کے ساتھ کی ۔ بعد ازاں جشن آزادی کی مناسبت سےکیک بھی کاٹا گیا اور وطن عزیز کی تعمیر وترقی اور امن و خوشحالی کے لیے دعا بھی مانگی گئی۔