منچن آباد (راشد ڈھڈی)
بستی خیر شاہ اوتاڑ میں میپکو کے ایم این ڈس محمد عمر کی نگرانی میں بجلی چوری کے خلاف گرینڈ آپریشن کیا گیا۔ کارروائی کے دوران متعدد غیر قانونی بجلی کنکشن اور سپلائیاں پکڑی گئیں، جبکہ کئی گھروں کو چھتوں کے اوپر سے پی وی سی تاروں کے ذریعے غیر قانونی بجلی فراہم کیے جانے کا انکشاف ہوا۔ذرائع کے مطابق بعض مقامات پر بھاری لوڈ بھی چلایا جا رہا تھا، جس سے بجلی کے نظام اور قومی خزانے کو نقصان پہنچ رہا تھا۔ کارروائی کے دوران ایک مبینہ بجلی چور کو بھی گرفتار کر لیا گیا۔ذرائع کا کہنا ہے کہ ابتدائی کارروائی کے دوران بعض بااثر افراد کی جانب سے مزاحمت اور افسران پر دباؤ ڈالنے کی کوشش کی گئی، تاہم ایم این ڈس محمد عمر نے پولیس اور مقامی افسران کے تعاون سے دوبارہ گرینڈ آپریشن کیا اور متعدد غیر قانونی بجلی سپلائیاں منقطع کر دیں۔میپکو حکام کے مطابق بجلی چوری کے خلاف بلاامتیاز کارروائی کا سلسلہ جاری رہے گا اور قومی خزانے کو نقصان پہنچانے والے عناصر کے خلاف قانون کے مطابق کارروائی عمل میں لائی جائے گی۔