شیخوپورہ (اسامہ طفیل)
شدید مون سون بارشوں اور نالہ ڈیک و بھیڈ میں طغیانی کے باعث مریدکے اور فیروزوالہ کے متعدد علاقے زیرِ آب آ گئےڈسٹرکٹ ایمرجنسی آفیسر رانا اعجاز احمد کے مطابق ریسکیو 1122 نے فوری ریلیف آپریشن کرتے ہوئے 9 کشتیوں کی مدد سے اب تک 70 افراد اور 6 جانوروں کو محفوظ مقامات پر منتقل کر دیامتاثرہ علاقوں میں 12 ریلیف کیمپ قائم کیے گئے ہیں، جہاں 59 ریسکیورز اور 31 ریسکیو اسکاؤٹس امدادی سرگرمیوں میں مصروف ہیں، جبکہ 286 افراد کو ضروری اشیاء کی فراہمی کے لیے بوٹ ٹرانسپورٹیشن بھی فراہم کی گئی۔ انہوں نے شہریوں سے اپیل کی کہ کسی بھی ہنگامی صورتحال میں فوری طور پر 1122 پر رابطہ کریں۔