سیالکوٹ ۔ سلیم احمد اعوان شیخو
محکمہ آبپاشی کے مطابق دریائے چناب میں مرالہ بیراج پر پانی کی آمد 2 لاکھ 24 ہزار 496 کیوسک ریکارڈ ہوئی ہے۔ مرالہ بیراج سے 2 لاکھ 6 ہزار 496 کیوسک پانی کا اخراج جاری ہے۔مرالہ ہیڈورکس پر درمیانے درجے کا سیلاب ہے جبکہ پانی میں مسلسل اضافہ جاری ہے۔قادرآباد بیراج پر پانی کا بہاؤ 1 لاکھ 58 ہزار 539 کیوسک ہے اور درمیانے درجے کا سیلاب ہونے سے صورت حال مستحکم ہے۔خانکی بیراج پر پانی کا بہاؤ 1 لاکھ 26 ہزار 717 کیوسک ہونے سے نچلے درجے کا سیلاب ہے اور صورت حال مستحکم ہے۔ تریموں بیراج پر 64 ہزار 483 کیوسک پانی کا بہاؤ ہے بلکہ صورت حال معمول کے مطابق ہے۔ دیگر مقامات پر پانی کا بہاؤ معمول کے مطابق ہے۔ محکمہ آبپاشی کی تمام ٹیمیں دریاؤں اور بیراجوں کی صورت حال پر مسلسل نظر رکھے ہوئے ہیں۔