لندن + نیویارکؔپیر کے روز عالمی منڈی میں خام تیل کی قیمتوں میں 3 فیصد تک کا نمایاں اضافہ ریکارڈ کیا گیا ہے، جس کے بعد برینٹ خام تیل کی قیمت 90 ڈالر فی بیرل کی اہم حد عبور کر گئی ہے۔ عالمی مارکیٹ میں توانائی کے بحران کے باعث قیمتوں میں یہ تیزی سرمایہ کاروں کے لیے تشویش کا باعث بن رہی ہے۔
تفصیلات کے مطابق برینٹ خام تیل کے فیوچر 2.77 ڈالر یا 3.14 فیصد اضافے کے ساتھ 90.87 ڈالر فی بیرل کی سطح تک جا پہنچے، جو کہ 11 جون کے بعد سے اب تک کی بلند ترین سطح ہے۔ یاد رہے کہ گزشتہ ہفتے برینٹ کی قیمت میں مجموعی طور پر 15.9 فیصد کا ریکارڈ اضافہ ہوا تھا، جو رواں اپریل کے بعد سے سب سے بڑا ہفتہ وار اضافہ ہے۔
دوسری جانب، امریکی ویسٹ ٹیکساس انٹرمیڈیٹ (ডبلیو ٹی آئی) خام تیل بھی اس اضافے کی لپیٹ میں رہا؛ ڈبلیو ٹی آئی خام تیل 2.35 ڈالر یا 2.85 فیصد مہنگا ہونے کے بعد 84.84 ڈالر فی بیرل پر ٹریڈ کرتا رہا، جو 12 جون کے بعد کی بلند ترین سطح ہے۔ امریکی خام تیل کی قیمت میں بھی گزشتہ ہفتے 15.5 فیصد کا بڑا اضافہ ریکارڈ کیا گیا تھا، جو مارچ کے اوائل کے بعد سب سے بڑی ہفتہ وار بڑھوتری ہے
تیل کی قیمتوں میں 3 فیصد تک اضافہ؛ 11 جون کے بعد بلند ترین سطح ریکارڈ
