سیالکوٹ (سلیم احمد اعوان شیخو)
اسسٹنٹ کمشنر سمبڑیال عدنان بشیر وڑائچ نے پیٹرولیم مصنوعات کے اسٹاک کی جانچ کے لئے مختلف پیٹرول پمپس پر اچانک چھاپے مارے جبکہ ضابطہ کی خلاف ورزی کے مرتکب چار پیٹرول پمپس کو مجموعی طور پر 4 لاکھ روپے جرمانہ عائد کیا۔ پیرا فورس کی ٹیم بھی ان کے ہمراہ موجود تھی۔دورانِ معائنہ اسسٹنٹ کمشنر نے پیٹرولیم مصنوعات کی طلب و رسد، دستیاب اسٹاک اور فروخت کے ریکارڈ کا تفصیلی جائزہ لیا۔انہوں نے عوام سے اپیل کی کہ اگر کوئی پیٹرول پمپ اسٹاک موجود ہونے کے باوجود پیٹرول فروخت نہ کرے تو فوری طور پر 03047961332 پر شکایت درج کروائیں تاکہ ذخیرہ اندوزی اور دیگر خلاف ورزیوں میں ملوث عناصر کے خلاف فوری قانونی کارروائی کی جا سکے۔