راولپنڈی کی تاریخ میں پہلی دفعہ ساری انتظامیہ تبدیل، وجہ کیا بنی؟

پنجاب حکومت نے راولپنڈی میں ایک بڑے انتظامی و پولیس ردوبدل کے تحت کمشنر، ڈپٹی کمشنر، سٹی پولیس آفیسر (CPO)، چیف ٹریفک پولیس، ایڈیشنل ڈپٹی کمشنر ریونیو اور اسسٹنٹ کمشنر صدر سمیت اہم عہدوں پر تقرریاں اور تبادلے کر دیے۔
کمشنر عبدالعامر خٹک، ڈپٹی کمشنر ڈاکٹر حسن وقار چیمہ اور CPO سید خالد محمود ہمدانی کو عہدوں سے ہٹا کر متعلقہ محکموں کو رپورٹ کرنے کی ہدایت کی گئی، جبکہ فیصل آباد کے سابق ڈپٹی کمشنر کیپٹن (ر) ندیم ناصر کو راولپنڈی کا نیا ڈپٹی کمشنر اور حسن مشتاق سُکھیرا کو نیا CPO مقرر کیا گیا۔
ذرائع کے مطابق راولپنڈی رنگ روڈ منصوبے کے اطراف اراضی کے استعمال (Land Use) اور ریونیو سے متعلق معاملات اس بڑے ردوبدل کی ممکنہ وجوہات میں شامل ہیں، جس کے باعث رنگ روڈ کے پراجیکٹ ڈائریکٹر سمیت ریونیو سے وابستہ ضلعی حکام میں بھی تبدیلیاں کی گئیں۔
یہ راولپنڈی کی تاریخ میں پہلا موقع ہے کہ کمشنر سے لے کر اسسٹنٹ کمشنر تک تقریباً تمام اہم انتظامی اور پولیس عہدے ایک ہی وقت میں تبدیل کر دیے گئے