بلوچستان رحمت اللہ بلوچ بیوروچیف بے نقاب نیوز)
مستونگ کہڈ کوچہ اور گردونواح میں گزشتہ تین روز سے سوئی گیس کی فراہمی معطل ہے، جس کے باعث شہریوں کو امورِ خانہ داری میں شدید مشکلات کا سامنا ہے۔گیس انتظامیہ کے مطابق گزشتہ روز نامعلوم چور پی آر ایس کا ایک وال چوری کرکے لے گئے، جس کے باعث حفاظتی اقدامات کے تحت کہڈ کوچہ، منگچر اور قلات کی گیس سپلائی عارضی طور پر بند کر دی گئی۔مقامی شہریوں کا کہنا ہے کہ مسلسل تین دن سے گیس کی بندش کے باعث کھانا پکانے سمیت روزمرہ کے معمولات شدید متاثر ہوئے ہیں۔ انہوں نے گیس انتظامیہ سے مطالبہ کیا ہے کہ چوری شدہ والو کی فوری جگہ نیا والو نصب کرکے متاثرہ علاقوں میں گیس کی فراہمی جلد از جلد بحال کی جائے تاکہ عوام کی مشکلات کا ازالہ ہو سکے۔