ہالا رپورٹ عامر انڑ
کراچی پولیس نے بھٹ شاہ پولیس کے ہمراہ مشترکہ کارروائی کرتے ہوئے کراچی سے مبینہ طور پر اغوا کی گئی لڑکی رابعہ کو بازیاب کر لیا، جبکہ کارروائی کے دوران نعیم نامی ایک ملزم کو بھی گرفتار کر لیا گیا۔ پولیس کے مطابق رابعہ اور گرفتار ملزم نعیم کو مزید تفتیش اور قانونی کارروائی کے لیے کراچی پولیس کی تحویل میں کراچی روانہ کر دیا گیا رابعہ کے والدین نے بتایا کہ وہ قیوم آباد کراچی کے رہائشی ہیں اور ان کی بیٹی گزشتہ دو ہفتوں سے لاپتہ تھی، جس کی تلاش جاری تھی۔ کراچی پولیس کا کہنا ہے کہ بھٹ شاہ پولیس کے تعاون سے مشترکہ کارروائی کے دوران لڑکی کو بحفاظت بازیاب کرایا گیا، جبکہ گرفتار ملزم سے مزید تفتیش جاری ہے۔ پولیس کے مطابق بازیاب لڑکی رابعہ اور گرفتار ملزم نعیم کو کل کراچی کی متعلقہ عدالت میں پیش کیا جائے گا، جہاں مزید قانونی کارروائی عمل میں لائی جائے گی….