لاہور (رپورٹ:حافظ نعیم ) وزیر اعلیٰ پنجاب مریم نواز شریف سے اسپیکر پنجاب اسمبلی ملک محمد احمد خان نے اہم ملاقات کی، جس میں صوبے کی مجموعی سیاسی صورتحال، بجٹ اجلاس اور عوامی فلاح کے منصوبوں پر تفصیلی تبادلہ خیال کیا گیا۔
ملاقات کے دوران اسپیکر پنجاب اسمبلی ملک محمد احمد خان نے وزیر اعلیٰ مریم نواز شریف کی دو سالہ کارکردگی کو "تاریخی اور بے مثال” قرار دیتے ہوئے انہیں زبردست خراجِ تحسین پیش کیا۔ انہوں نے کہا کہ مریم نواز شریف کی پرفارمنس صرف دعووں تک محدود نہیں بلکہ زمین پر بولتی نظر آ رہی ہے۔
وزیر اعلیٰ پنجاب مریم نواز شریف سے اسپیکر پنجاب اسمبلی ملک محمد احمد خان کی اہم ملاقات،سرکاری اعلامیہ کے مطابق وزیراعلیٰ کا کہنا تھا کہ بہترین قانون سازی اور ایوان کو انتہائی احسن اور مدبرانہ انداز میں چلانے پر اسپیکر ملک محمد احمد خان کا کردار قابلِ فخر ہے- ہمارا واحد ہدف پنجاب… pic.twitter.com/msb8W31KO7
— Aatif Khattak (@MalakAatifKhan) July 1, 2026
اسپیکر اسمبلی نے ‘ستھرا پنجاب’ اور ‘اپنی چھت اپنا گھر’ پروگراموں کو بین الاقوامی سطح پر پزیرائی ملنے پر خوشی کا اظہار کرتے ہوئے کہا کہ وزیر اعلیٰ نے گڈ گورننس کا ایک مثالی ماڈل قائم کیا ہے۔ انہوں نے اضلاع اور تحصیل کی سطح پر الیکٹرک بسیں چلانے کے اقدام کو بھی عوام کے لیے ایک تحفہ قرار دیا۔
وزیر اعلیٰ مریم نواز شریف نے پنجاب اسمبلی کے لیے اسپیکر ملک محمد احمد خان کی خدمات کی بھرپور تعریف کی۔ انہوں نے کہا کہ پنجاب اسمبلی کو جدید خطوط پر استوار کرنے اور ریکارڈ ڈیجیٹلائزیشن کے لیے اسپیکر کے اقدامات انتہائی شاندار ہیں۔ انہوں نے مزید کہا کہ ایوان کو احسن اور مدبرانہ انداز میں چلانا ملک محمد احمد خان کا خاصہ ہے جس پر ہمیں فخر ہے۔
وزیر اعلیٰ نے اس عزم کا اعادہ کیا کہ ان کا واحد ہدف پنجاب کے ہر شہری کو ریلیف فراہم کرنا اور صوبے کو ترقی کی نئی بلندیوں پر لے جانا ہے۔ انہوں نے کہا کہ عوامی خدمت کا جو سفر شروع کیا گیا ہے، اس کی رفتار میں مزید تیزی لائی جائے گی۔ انہوں نے خواتین اور نوجوانوں کو بااختیار بنانے کے عزم کا بھی اظہار کیا۔