وزیر اعظم شہباز شریف نے کہا ہے کہ عالمی تجارت کیلئے اہم سمندری گزرگاہوں پر بلارکاوٹ آزادنہ نقل وحرکت عالمی معیشت کیلئے ناگزیر ہے۔
کراچی میں پاکستان نیول اکیڈمی میں پاسنگ آوٹ پریڈ سے خطاب میں کہاکہ ایران اورامریکا کے درمیان معاہدے پاکستان کیلئے اعزاز کی بات ہے، امریکا اور ایران کے درمیان مفاہمت کی یادداشت میں دوست ممالک کا تعاون قابل قدر رہا۔
انہوں نے کہا کہ قیام امن کیلئے فیلڈ مارشل عاصم منیر نےشب و روز انتھک محنت کی، پاکستان دنیا میں امن کے علمبردار کے طور پر پہچانا جاتا ہے۔
وزیراعظم کا کہنا تھاکہ عالمی تجارت کیلئے اہم سمندری گزرگاہوں پر بلارکاوٹ آزادنہ نقل وحرکت عالمی معیشت کیلئے ناگزیر ہے، سمندری راستوں پر آزاد انہ اور بلا روک ٹوک نقل و حرکت کا حق اب آسائش نہیں پوری دنیا کیلئے ایک ناگزیر ضرورت بن چکی ہے ۔
انہوں نے کہا کہ حالیہ علاقائی صورتحال نے ثابت کر دیا کہ بحری سلامتی عالمی معیشت اور بین الاقوامی تجارتی راستوں کیلئے کتنی اہم ہے۔