کامونکی(کرائم رپورٹر شہزادسہیل سے)
نیاز کھانے سے 70 لوگوں کی حالت غیر ہو گئی اسسٹنٹ کمشنر کامونکی ڈاکٹر زرغونہ خالد سعید اور ڈی ایس پی سرکل کامونکی رانا ظہور احمد خاں نے ٹی ایچ کیو ہسپتال کامونکی کا دورہ کیا۔ دورانِ دورہ ایمرجنسی، او پی ڈی، مختلف وارڈز اور دیگر شعبہ جات کا معائنہ کیا گیا۔ ہسپتال میں فراہم کی جانے والی طبی سہولیات، ادویات کی دستیابی، صفائی ستھرائی، عملے کی حاضری اور مجموعی انتظامات کا تفصیلی جائزہ لیا گیا۔ مریضوں کی عیادت کرتے ہوئے ان کی خیریت دریافت کی گئی اور علاج معالجہ کے حوالے سے ان سے معلومات بھی حاصل کی گئیں۔اس موقع پر متعلقہ عملے کو ہدایت کی گئی کہ مریضوں کو بروقت، معیاری اور بہترین طبی سہولیات کی فراہمی کو یقینی بنایا جائے، صفائی ستھرائی کے اعلیٰ معیار کو برقرار رکھا جائے اور ہسپتال کے انتظامی و طبی امور کو مزید مؤثر بنایا جائے تاکہ عوام کو بہترین طبی سہولیات میسر آ سکیں۔