نوشہرہ انورزیب خان
ڈیڈک چیئرمین نوشہرہ و رکن صوبائی اسمبلی حاجی زرعالم خان نے پیرسباق کے مختلف علاقوں حیات خان کلے ،کوچہ ڈھیری ،عمر آباد ،پیرسباق کا دورہ کیا اور جاری ترقیاتی منصوبوں کا تفصیلی جائزہ لیا۔دورے کے دوران حاجی زرعالم خان نے مختلف مقامات پر عوام سے ملاقاتیں کیں، ان کے مسائل سنے اور جاری ترقیاتی کاموں کے حوالے سے عوامی آراء اور تاثرات حاصل کیے۔ اس موقع پر علاقہ مکینوں نے ترقیاتی منصوبوں پر اطمینان کا اظہار کرتے ہوئے کہا کہ کئی برسوں سے نظر انداز کیے گئے منصوبوں پر اب تیزی سے کام جاری ہے، جس سے عوام کو عملی ریلیف مل رہا ہے۔عوام نے حاجی زرعالم خان کی محنت، لگن اور عوامی خدمت کے جذبے کو سراہتے ہوئے ان کا شکریہ ادا کیا اور امید ظاہر کی کہ علاقے میں ترقیاتی عمل اسی رفتار سے جاری رہے گا۔اس موقع پر حاجی زرعالم خان نے کہا کہ عوام کی خدمت ان کی اولین ترجیح ہے اور حلقے کے تمام علاقوں میں بلاامتیاز ترقیاتی منصوبے مکمل کیے جائیں گے تاکہ عوام کو بنیادی سہولیات ان کی دہلیز پر فراہم کی جا سکیں۔