محمد اشفاق پسرور
ڈسکہ کے نواحی علاقے سوہاوہ کے قریب ایک افسوسناک واقعہ پیش آیا، جہاں تقریباً 13 سے 14 سالہ لڑکے کی لاش درخت کے ساتھ لٹکی ہوئی پائی گئی۔اطلاع ملتے ہی مقامی پولیس موقع پر پہنچ گئی اور لاش کو اپنی تحویل میں لے کر تحصیل ہیڈکوارٹر (سول) ہسپتال ڈسکہ منتقل کر دیا، جہاں ضروری قانونی کارروائی جاری ہے۔
ابتدائی معلومات کے مطابق جاں بحق ہونے والے لڑکے کی شناخت عمیر ولد معراج دین کے نام سے ہوئی ہے، جو گلا ہیمبراں والا، سوہاوہ ڈسکہ کا رہائشی تھا۔
واقعے کی وجوہات جاننے کے لیے پولیس تحقیقات کر رہی ہے، جبکہ حتمی حقائق تفتیش مکمل ہونے اور متعلقہ رپورٹ سامنے آنے کے بعد واضح ہوں گے۔