مری ( راشد مغل سے)
پانی کے بحران پر واسا مری بھی قابو پانے میں بری طرح ناکام ہوگیا ہے واسا مری کے قیام کے باوجود گرمائی سیزن شروع ہونے کے ساتھ ہی مری شہر میں پانی کا بحران پیدا ہونا شروع ہوگیا ہے جس کی سب سے بڑی اور مین وجہ بڑے پیمانے پر پانی کی لیکج اور بااثر ہوٹل مافیاء کی وال مین مافیاء کی ملی بھگت سے پانی کی چوری ہے واسا مری بلوں کی ادائیگی کے حوالے سے گھریلوں صارفین کو آئے دن تنگ کرنا معمول بنا رکھا ہے جبکہ گھریلوں صارفین سمیت ریسٹورنٹ کے کاروبار سے منسلک کاروباری حلقوں کو پانی کی فراہمی کو ممکن نہ بنا سکی تفصیلات کے مطابق مری شہر سے پانی کے بحران کو ختم کرنے کے لئے مری کو ضلع قرار دینے کے بعد میونسپل کارپوریشن مری کے زیر اہتمام محکمہ پبلک ہیلتھ واٹر سپلائی کو ختم کر کے واسا کے قیام عمل میں لایا گیا تھا تاکہ مری شہر سے پانی کے بحران کو ہمیشہ ہمیشہ کے لئے ختم کیا جاسکے لیکن ایم ڈی واسا میونسپل کارپوریشن مری کے دور کا وال مین مافیاء سمیت پانی کی چوری اور بڑے پیمانے پر لیکج کو ختم کرنے بری طرح ناکام ہے جس کی وجہ سے گرمائی سیزن کے شروع ہوتے ہی مری شہر اور اس کے گردونواح میں پانی کا بحران پیدا ہو گیا پانی کی قلت کے باعث مری شہر میں ریسٹورنٹ کے کاروبار سے منسلک کاروباری حلقوں سمیت مقامی گھریلو صارفین کو زبردست مشکلات کا سامنا کرنے پڑا رہا ہے مری کے سیاسی سماجی اور کاروباری حلقوں نے اعلی حکام سے پانی کی چوری سمیت پانی لیکج اور وال مین مافیاء کا خاتمہ کر کے پانی کے بحران پر قابو پایا جائے