غیر اعلانیہ لوڈشیڈنگ نے معمولاتِ زندگی درہم برہم کر دیے

بلوچستان رحمت اللہ بلوچ بیوروچیف بے نقاب نیوز نیٹ ورک)

سریاب ایریا کوئٹہ کا ایک گنجان آباد اور اہم علاقہ ہے، لیکن بدقسمتی سے یہاں بجلی کی صورتحال "نہ ہونے کے برابر” ہے۔ 24 گھنٹے میں 12 گھنٹے بجلی فراہم کرنا تو دور کی بات، اکثر اوقات اس سے بھی کم دورانیہ ملتا ہے۔
لوڈشیڈنگ کا عذاب گرمیوں میں بھی اور سردیوں میں بھی سریاب کے عوام بجلی کی آنکھ مچولی کا شکار ہیں۔ غیر اعلانیہ لوڈشیڈنگ نے معمولاتِ زندگی درہم برہم کر دیے ہیں۔ طلبہ کی پڑھائی، مریضوں کا علاج، کاروبار اور گھریلو کام سب متاثر ہو رہے ہیں۔الیکشن کے وقت اور حضرات بڑے بڑے وعدے کر کے ووٹ لیتے ہیں کہ "سریاب کو ترجیح دیں گے”۔ لیکن آج جب عوام اندھیرے میں ڈوبے ہوئے ہیں تو وہ نمائندے نظر نہیں آ رہے۔ سریاب کے عوام پوچھتے ہیں: ہمارے منتخب نمائندے اب کہاں ہیں جو ہماری آواز بنیں حکومت اور واپڈا حکام سے گزارش ہے کہ عوام کو مجبور نہ کیا جائے۔سریاب ایریا میں غیر اعلانیہ اور طویل لوڈشیڈنگ فوراً ختم کی جائے۔ سریاب کے عوام کو بجلی تعطل بجلی فراہم کی جائے تاکہ عوام سکھ کا سانس لےسکیں۔