صدرِ مملکت آصف زرداری کی بالو جا قبا قبرستان آمد، والدین سمیت اہلِ خانہ کی قبروں پر فاتحہ خوانی

نواب شاہ رپورٹ:( نفیس آرائیں)صدرِ مملکت آصف علی زرداری نے نواب شاہ کے قریب واقع بالو جا قبا قبرستان پہنچ کر اپنے والد سردار حاکم علی زرداری اور والدہ سمیت اہلِ خانہ کی قبروں پر حاضری دی، فاتحہ خوانی کی اور پھول چڑھائے۔صدرِ مملکت نے قبروں پر پھولوں کی پتیاں نچھاور کرتے ہوئے مرحومین کے درجات کی بلندی اور مغفرت کے لیے خصوصی دعا بھی کی۔اس موقع پر صدر آصف علی زرداری کے ہمراہ ان کی ہمشیرہ فوزیہ اقبال، صوبائی وزیر حاجی علی حسن زرداری، صوبائی وزیر داخلہ ضیاء الحسن لنجار، سہیل انور سیال اور عاشق زرداری بھی موجود تھے۔قبرستان آمد کے موقع پر سکیورٹی کے انتہائی سخت انتظامات کیے گئے تھے جبکہ پیپلز پارٹی کے مقامی رہنما اور کارکنان کی بڑی تعداد بھی موجود رہی۔