جھڈو (رپورٹ / قیصر راجہ راجپوت) نواحی علاقے گوٹھ حاجی محمد قاسم سومرو57 موری ٹنڈو جان محمد میں ایک روزہ فری میڈیکل کیمپ کا انعقاد کیا گیا، جہاں علاقے کے عوام کو مفت طبی معائنہ، علاج اور ادویات فراہم کی گئیں۔ کیمپ میں معروف معالج ڈاکٹرسید نسیم اللہ حیدری اور ان کی ٹیم نے مریضوں کا تفصیلی چیک اپ کیا اور مختلف بیماریوں میں مبتلا افراد کو مفت مشورے اور ادویات دیں۔میڈیکل کیمپ صبح 9 بجے سے شام 5 بجے تک جاری رہا، جس میں بڑی تعداد میں مرد، خواتین، بزرگوں اور بچوں نے شرکت کی۔ اس موقع پر منتظمین کا کہنا تھا کہ دور دراز علاقوں کے مستحق افراد کو صحت کی بنیادی سہولیات فراہم کرنا ان کا مقصد ہے تاکہ غریب عوام بہتر علاج سے مستفید ہو سکیں۔کیمپ کے منتطم مولانا اویس اعظم جنرل سیکریٹری پاکستان مرکزی مسلم لیگ جھڈو تھے جبکہ سماجی و فلاحی شخصیات نے بھی شرکت کر کے اس اقدام کو انسانیت کی خدمت قرار دیا۔