. لیاقت پور(تحصیل رپورٹر)
محکمہ زراعت لیاقت پور توسیع کے زیر اہتمام مقامی میرج ہال میں زیادہ کپاس اگاؤ مہم کے سلسلے میں سیمینار کا انعقاد کیا گیا،سیمینار سے خطاب کرتے ڈپٹی ڈائریکٹر زراعت رحیم یار خان ڈاکٹر محمد مسعود سلیم کا کہنا تھا اس سال موسم کپاس کی اچھی پیداوار کے لیے نہایت سازگار ہے اور کپاس کا بہتر ریٹ ملنے کی توقع ہے لہذا کاشتکار زیادہ سے زیادہ رقبہ پر کپاس کی کاشت کریں ڈپٹی ڈائریکٹر زراعت کا مزید کہنا تھا جن کاشتکاروں نے ابھی تک کسان کارڈ کی ریکوری جمع نہیں کروائی وہ فوری بینک اف پنجاب ایزی پیسہ جائز کیش کے ذریعے اج ہی اپنی ریکوری جمع کروائیں، زاہد رضا باجوہ سینیئر زراعت افیسر نے کپاس کے مسائل کا حل اور بہتر پیداوار کے لیے کاشتکاروں کو اگاہی دی، زراعت افیسر غلام علی کا کہنا تھا کہ کپاس کی جدید پیداواری ٹیکنالوجی پر عمل کر کے اچھی پیداوار لی جا سکتی ہے، اس موقع پر اسسٹنٹ ڈائریکٹر زراعت لیاقت پور چوہدری حسیب اکبر کا کہنا تھا کپاس کی بہتر پیداوار کے لیے اچھا بیج، وقت پر کھادوں کا استعمال اور کیڑوں کا بروقت کنٹرول انتہائی ضروری ہے لہذا کاشتکار کپاس کی ایڈوائزری کے لیے محکمہ زراعت کی ٹیم سے رابطے میں رہیں اور محکمہ زراعت کی سفارشات پر عمل کر کے کپاس کی فی ایکڑ پیداوار میں اضافہ کریں،