کوٹ ادو(محمدآصف کی رپورٹ )
چاہ لوہار والہ سنانواں میں مبینہ فحاشی کے اڈے کیخلاف مکین سراپا احتجاج ،متاثرہ شہریوں کا پولیس پر کارروائی نہ کرنے کا الزام،ملزمان کیخلاف مقدمہ درج کرکے علاقہ کا ماحول صاف کرنے کا مطالبہ،اس بارے تفصیل کے مطابق چاہ لوہار والہ موضع سنانواں کے رہائشی عبدالرؤف چانڈیہ نے اپنے ہمسایوں محمد حسین گشکوری بلوچ اور عبدالطیف لوہار کے ہمراہ پریس کلب میں پریس کانفرنس کرتے ہوئے الزام عائد کیا کہ نویدہ عرف موٹی زوجہ محمد وکیل قوم قریشی اپنے خاوند محمد وکیل ولد فقیر محمد کے ہمراہ بستی لوبار والہ سنانواں میں مبینہ طور پر فحاشی کا اڈہ چلا رہی ہے،عبدالرؤف چانڈیہ نے بتایا کہ وہ آرمی سے ریٹائرڈ ملازم ہیں اور انتہائی شریف اور عزت دار خاندان سے تعلق رکھتے ہیں،الزام علیہان کی سرگرمیوں کے باعث پورے علاقہ کا ماحول خراب ہو چکا ہے اور نئی نسل بری طرح متاثر ہو رہی ہے،انہوں نے الزام عائد کیا کہ مذکورہ خاتون کے گھر پر دن رات آوارہ،شرابی،جواری،زانی اور جرائم پیشہ افراد کا رش لگا رہتا ہے جو ریلوے لائن اور گھروں کے قریب بیٹھ کر خواتین کو ہراساں کرتے،گالم گلوچ کرتے اور بچوں کو غلط باتیں سکھاتے ہیں،انہوں نے کہا کہ رات کے وقت ہوائی فائرنگ،موٹرسائیکلوں کی ریس،گھروں کے دروازوں پر دستک اور خواتین کی ویڈیوز بنانے جیسے واقعات معمول بن چکے ہیں،متاثرین کے مطابق متعدد بار منع کرنے پر ملزمان نے ،مارپیٹ جان سے مارنے اور جھوٹے مقدمات درج کرانے اور سنگین نتائج کی دھمکیاں دی جاتی ہیں جبکہ عبدالرؤف چانڈیہ کو تشدد کا نشانہ بھی بنایا گیا جس کی رپٹ نمبر2/3511مئی2026 تھانہ سنانواں میں درج ہے،متاثرہ شہریوں نےالزام عائدکیا کہ متعدد درخواستوں کے باوجود پولیس کوئی مؤثر کارروائی نہیں کر رہی،انہوں نے اعلیٰ حکام سے مطالبہ کیا کہ ملزمان کے خلاف سخت قانونی کارروائی عمل میں لائی جائے،مبینہ اڈہ فوری ختم کروا کر علاقہ کا ماحول پاک صاف کیا جائے اور اہل علاقہ کو جان و مال اور عزت کا تحفظ فراہم کیا جائے