پنجاب حکومت کا باکو میں "اپنی چھت اپنا گھر” کا پویلین غیرملکی مہمانوں کا مرکز بنا ہے: عظمیٰ بخاری

لاہور(نعیم احمدسے)وزیر اطلاعات پنجاب عظمیٰ بخاری  نے ایک بیان کہاہے کہ پنجاب حکومت کا باکو میں "اپنی چھت اپنا گھر” کا پویلین غیرملکی مہمانوں کا مرکز بنا ہے،وزیراعلیٰ پنجاب مریم نواز آج اس تاریخی منصوبوں کا باکو میں شوکیس کریں گی، پنجاب حکومت کا اپنی چھت اپنا گھر پروگرام دنیا کا سب سے بڑا اور منفرد پروگرام ہے، اس پروگرام کے تحت 1 لاکھ گھر مکمل ہوچکے ہیں،60 ہزار گھروں کی تعمیر کا کام تیزی سے جاری ہے، مریم نواز کا 5 سال میں 5 لاکھ خاندانوں کو انکی چھت فراہم کرنے کا ٹارگٹ ہے،  پنجاب میں کام ہورہا ہے تو دنیا اس حقیقت کو تسلیم کررہی ہے، پنجاب میں منصوبے فائلوں میں نہیں گرائونڈ پر ڈلیور کرتے نظر آتے ہیں، جو مریم نواز سے کارکردگی میں مقابلہ نہیں کرسکتے وہ انکو مریم نواز کے جوتوں سے بھی تکلیف ہے۔