میاں چنوں میں ادبی تنظیم "ایک شام نویدآکاش کے نام” کے زیرِ اہتمام محفل

میاں چنوں(عاصم کمال بے نقاب نیوز رپورٹرسے)کہکشاں کیک پیلس میاں چنوں میں ادبی تنظیم "ایک شام نویدآکاش کے نام” کے زیرِ اہتمام ہونے والی محفل میں معروف شاعر نوید آکاش نے اپنے کلام سے محفل کو یادگار بنا دیا۔  انہوں نے اپنے تازہ شعری مجموعے "وہ مجھ میں رہتا ہے” سے انتخاب پیش کیا، جسے شرکا نے خوب سراہا۔  تقریب میں اتحاد پریس کلب میاں چنوں کے عہدیداران بھی شریک ہوئے، جن میں صدر عاطف حمید گجر، جنرل سیکرٹری محمد یعقوب لودھی، نائب صدور غلام عباس و مرزا شاہد وسیم اور ایگزیکٹو ممبر بشیر ڈوگر شامل تھے۔ منتظمین چوہدری محمد عمران برولہ جٹ، محمد سہیل انجم اور نوید احمد راحت کی کاوشوں کو خوب سراہا گیا۔