سیالکوٹ (سلیم احمد اعوان شیخو)
تعلیمی سال 2025ء میں پاکستان کے 58 اعلیٰ تعلیمی اداروں سے منشیات کے استعمال کے 385 مبینہ کیسز رپورٹ ہونے کا انکشاف ہوا ہے بتایا گیا ہے کہ 365 کیسز کی مکمل درجہ بندی فراہم کی گئی ہے۔ سب سے زیادہ کیسز وفاقی تعلیمی اداروں میں 153 پنجاب میں 130 سندھ میں 75 اور خیبر پختونخواہ میں 7 رپورٹ ہوئے۔
بلوچستان آزاد جموں و کشمیر اور گلگت بلتستان سے کوئی کیس رپورٹ نہیں ہوا۔ مجموعی طور پر 318 مرد اور 47 خواتین ان کیسز میں شامل ہیں۔ منشیات کے استعمال کی نگرانی اور روک تھام کے لئے 245 سرکاری و نجی جامعات میں اینٹی ڈرگ و ٹوبیکو مانیٹرنگ میکنزم قائم کیا گیا ہےپ مگر سوال یہ ہے کہ کیا یہ اقدامات واقعی تعلیمی اداروں کو منشیات سے پاک بنانے کے لئے کافی ہیں۔