جھڈو(رپورٹ / قیصر راجہ راجپوت)
ظلم کرپشن اور بدعنوانی نے ملک کی بنیادوں کو کھوکھلا کردیا ہے ۔مہنگائی اور بے روزگاری نے غریب عوام کے منہ سے روٹی کا نوالہ چھین لیا ہے ۔عالمی استحصالی ادارے آئی ایم ایف کی ہدایات پر پٹرول سمیت روزمرہ استعمال کی اشیا پر ظالمانہ ٹیکس نے غریبوں کو زندہ درگور کر رکھا ہے۔غربت و بیروزگاری سے تنگ کئی خواتین و مرد بچوں سمیت خودکشیوں پر مجبور ہیں ۔ملک میں خواتین وطالبات کے ساتھ تعلیمی اداروں اور ملازمت کی جگہوں پر نارواسلوک اور جنسی ہراہسمنٹ کے بڑھتے واقعات ملک پر مسلط لادینی نظام کا شاخسانہ ہے ۔قانونی نظام کی کمزوری کے سبب ذمہ دار عناصر کا کیفر کردار تک نہ پہنچنا سوالیہ نشان ہے۔ جس کے باعث خواتین و طالبات میں عدم تحفظ کا احساس بڑھتا جارہا ہے ۔ ۔حافظ نعیم الرحمن کی قیادت میں جماعت اسلامی کی اس ظالمانہ نظام اورمسلط کرپٹ اشرافیہ کے خلاف "بدل دو نظام "کی تحریک خواتین سمیت عوام کو ظلم کے اس ظالمانہ نظام سے نجات دلائے گی ۔ جماعت اسلامی حلقہ خواتین سے وابستہ مختلف شعبہ ہائے زندگی سے تعلق رکھنے والی پاکستان کی لاکھوں خواتین اسلام "بدل دو نظام” تحریک کا حصہ ہوں گی ۔ان خیالات کا اظہار جماعت اسلامی حلقہ خواتین کے تحت ضلعی ہیڈ کوارٹر کے مقامی ہال میں "بدل دو نظام سنوار دو سندھ” کے عنوان پر منعقدہ خواتین کے بڑے کنونشن سے جماعت اسلامی حلقہ خواتین پاکستان کی نائب ناظمہ عطیہ نثار صاحبہ نے خطاب کرتے ہوئے کیا۔ کنونشن میں مختلف شعبہ ہائے زندگی سے تعلق رکھنے والی خواتیں نے سینکڑوں کی تعداد میں شرکت کی ۔کنونشن سے ضلعی ناظمہ حلقہ خواتین ندرت احمد ،طیبہ طارق ،ثوبیہ مسعود ،حفصہ مدنی ،رضوانہ شہزاد سمیت دیگر خواتین راہنماں نے بھی خطاب کیا ۔اس موقع بڑی تعداد میں خواتین جماعت اسلامی کی ممبر شپ اختیار ہوئے جماعت اسلامی کی "بدل دو نظام” تحریک میں شامل ہوکر جدوجہد کرنے کا عزم کیا ۔