آدھی رات کی ‘سوشل میڈیا یلغار’: 42 منٹ میں صدر ڈونلڈ ٹرمپ کی 11 پوسٹیں

فلو ریڈا:ڈونلڈ ٹرمپ نے ہفتے کے آغاز سے قبل رات 11:03 سے 11:45 کے درمیان پے در پے 11 پوسٹس کیں:
مصنوعی ذہانت (AI) رات 11:03 بجے انہوں نے ایک AI سے تیار کردہ تصویر شیئر کی جس میں وہ نائب صدر جے ڈی وینس، مارکو روبیو اور دیگر کے ساتھ واشنگٹن کے لنکن میموریل ریفلیکٹنگ پول میں ایک سنہری رنگ کی کرسی پر تیر رہے ہیں۔ تصویر میں پانی کا رنگ گہرا نیلا دکھایا گیا ہے، جسے ٹرمپ پول کی تزئین و آرائش کے لیے استعمال کرنا چاہتے ہیں۔
11:13 بجے ٹرمپ نے ڈیموکریٹک لیڈر حکیم جیفریز کی تصویر شیئر کرتے ہوئے انہیں "کم آئی کیو (Low IQ)” اور "بدمعاش (Thug)” قرار دیا، اور کہا کہ وہ ملک کے لیے خطرہ ہیں۔
"تمام کارڈز میرے پاس ہیں”: 11:15 بجے ایک ترمیم شدہ تصویر میں ٹرمپ کو مشہور گیم ‘اونو’ (Uno) کے 6 کارڈز تھامے دکھایا گیا جس پر لکھا تھا، "میرے پاس تمام کارڈز موجود ہیں”۔
اس مختصر وقت میں انہوں نے ماؤنٹ رشمور پر اپنی تصویر، اپنا سنہری پروفائل اور کنگ چارلس سوئم کے ساتھ تصاویر بھی شیئر کیں۔
آخری پانچ منٹ کے دوران انہوں نے ریفلیکٹنگ پول کے پانی کے رنگ کے بارے میں تین پوسٹس کیں۔ انہوں نے اوباما کے دور کی تصویر کو "کائی زدہ” جبکہ اپنی مجوزہ تصویر کو "امریکن فلیگ بلیو” (امریکی پرچم والا نیلا رنگ) قرار دیا۔
ٹرمپ کی اس مہم نے مبصرین کو دو گروہوں میں تقسیم کر دیا ہےکچھ نے اسے حد سے زیادہ اعتماد اور کچھ نے سیاسی بے چینی قراردیا ہے۔
‘اونو کارڈز’ والی تصویر اور "میرے پاس سب کارڈز ہیں” کا کیپشن ظاہر کرتا ہے کہ ٹرمپ خود کو مکمل کنٹرول میں محسوس کر رہے ہیں۔
: ماؤنٹ رشمور (جہاں امریکہ کے عظیم صدور کے چہرے تراشے گئے ہیں) پر اپنی تصویر لگانا ان کے اس یقین کی علامت ہے کہ وہ خود کو امریکہ کے عظیم ترین لیڈروں میں شمار کرتے ہیں۔
حریفوں پر نازیبا جملے کسنا بھی شائد فرسٹریشن کی علامت ہے حکیم جیفریز پر ذاتی نوعیت کے حملے یہ اشارہ دیتے ہیں کہ شاید اپوزیشن کی سرگرمیاں انہیں بے چین کر رہی ہیں۔
اوباما کے دور کی تصویر کا بار بار اپنے دور سے موازنہ کرنا اور پانی کے رنگ جیسے چھوٹے معاملے پر تین پوسٹس کرنا یہ ظاہر کرتا ہے کہ وہ اب بھی ماضی کے صدور کے سائے سے نکلنے کی کوشش کر رہے ہیں۔
رات کے اس پہر جب دنیا سو رہی ہوتی ہے، ٹرمپ کا اپنی کابینہ (جے ڈی وینس، مارکو روبیو، پیٹ ہیگستھ) اور اہلیہ میلانیا ٹرمپ کی تصاویر کے ساتھ سوشل میڈیا پر سرگرم ہونا یہ پیغام دیتا ہے کہ وہ اپنی ٹیم اور وژن کو لے کر انتہائی جارحانہ موڈ میں ہیں۔