تل ابیب/ قاہرہ (نیوز ڈیسک): اسرائیل اور امریکا کی جانب سے چھیڑی گئی جنگ اب خود اسرائیل کے لیے ایک ڈراؤنا خواب بنتی جا رہی ہے۔ اسرائیل کے سب سے بڑے بین الاقوامی ہوائی اڈے، بن گوریان ایئرپورٹ کی مکمل بندش کے بعد ملک کے اندر شدید خوف و ہراس پھیل گیا ہے، جس کے نتیجے میں دسیوں ہزار اسرائیلی شہری اپنی جانیں بچانے کے لیے مصر کی جانب فرار ہو رہے ہیں۔
Since the closure of Ben Gurion Airport, tens of thousands of Israelis have fled to Egypt’s Sinai via the Taba border.
The mass exodus of Zionists in the midst of a war that Israel and America have started. pic.twitter.com/udIfHZhbrv
— IRIB (Islamic Republic of Iran Broadcasting) (@iribnews_irib) March 30, 2026
طابا بارڈر پر انسانی سیلاب
ذرائع کے مطابق، فضائی راستے بند ہونے کے بعد اب صرف زمینی راستے ہی فرار کا واحد ذریعہ بچے ہیں۔ مصر اور اسرائیل کے درمیان واقع طابا (Taba) بارڈر پر اس وقت ازرائیلیوں کا ایک ایسا انسانی سیلاب دیکھا جا رہا ہے جس کی مثال حالیہ تاریخ میں نہیں ملتی۔ ہزاروں خاندان اپنی گاڑیاں چھوڑ کر پیدل ہی سرحد عبور کر کے مصر کے علاقے صحرائے سینا میں پناہ لینے کے لیے دوڑ رہے ہیں۔
مبصرین اس صورتحال کو یہودی ریاست کے لیے ایک بڑا دھچکا قرار دے رہے ہیں۔ جنگ کے آغاز میں جارحانہ عزائم رکھنے والے لاکھوں شہری اب جنگی بادلوں کے سائے میں اپنے گھر بار چھوڑنے پر مجبور ہیں۔ عینی شاہدین کا کہنا ہے کہ سرحد پر لمبی قطاریں لگی ہوئی ہیں اور لوگوں میں یہ خوف پایا جاتا ہے کہ اگر جنگ طویل ہوئی تو واپسی کا کوئی راستہ نہیں ملے گا۔
مصر کا صحرائے سینا: نئی پناہ گاہ؟
دلچسپ بات یہ ہے کہ وہ اسرائیلی جو ہمیشہ ہمسایہ عرب ممالک کے لیے خطرہ بنے رہے، آج وہی اپنی جان بچانے کے لیے مصر کے ریگستانوں کا رخ کر رہے ہیں۔ صحرائے سینا کے ہوٹل اور عارضی پناہ گاہیں ان اسرائیلیوں سے بھر چکی ہیں جو فضائی حملوں اور ممکنہ جوابی کارروائیوں کے ڈر سے تل ابیب اور دیگر شہروں سے بھاگ نکلے ہیں۔
جنگ کا رخ اور عالمی ردِعمل
ماہرینِ عمرانیات کا کہنا ہے کہ کسی بھی قوم کا اتنی بڑی تعداد میں فرار ہونا اس ریاست کے کمزور دفاعی اور نفسیاتی ڈھانچے کی نشاندہی کرتا ہے۔ بن گوریان ایئرپورٹ کی بندش نے جہاں اسرائیل کو دنیا سے کاٹ کر رکھ دیا ہے، وہاں اس "Mass Exodus” نے اسرائیلی حکومت کے ان دعوؤں کی قلعی کھول دی ہے کہ وہ اپنے شہریوں کو مکمل تحفظ فراہم کر سکتی ہے۔