نئی دہلی :اکھنڈ بھارت کے انتہاء پسند نظریے اور ہمسایہ ممالک میں مداخلت پورے خطے کو خطرات سے دوچار کر رہی ہے۔ انسانی جرائم کے مرتکب بھارتی حکمران مودی اور حسینہ واجد سرحد پار دہشت گردی اور انتشار پھیلانے میں سرگرم ہیں۔بھارتی خفیہ ایجنسی ’’را ‘‘ نے عثمان ہادی کی شہادت کے صرف دو دن بعد ایک اور بنگلہ دیشی رہنماءپر قاتلانہ حملہ کیا ہے۔
بنگالی نوجوان رہنماء محمد مطالب شیکدر کو بنگلہ دیش کے شہر کھلنا میں قاتلانہ حملے کا نشانہ بنایا گیا۔ محمد مطالب شیکدر نیشنل سیٹزن پارٹی کے رہنماء ہیں اور انہیں قریب سے سر پر گولی ماری گئی، جس کے بعد وہ زخمی حالت میں ہسپتال منتقل ہوئے۔
بنگلہ دیشی پولیس کے مطابق، نوجوان رہنماؤں کو مسلسل بھارت کی جانب سے دھمکیاں دی جاتی رہی ہیں۔ حالیہ دنوں میں بھارتی فوج کے میجر اور کرنل کی جانب سے بھی نوجوان رہنماء حسنات عبداللہ کو ایکس اکاؤنٹ پر دھمکیاں دی گئی ہیں۔ عثمان ہادی، مطالب شیکدر اور حسنات عبداللہ کا قصور صرف بھارتی مداخلت کے خلاف آواز اٹھانا ہے۔
قاتلانہ حملے کے فوراً بعد بھارتی بدنام زمانہ خفیہ ایجنسی "را” اور بھارتی فوج سے مربوط ایکس اکاؤنٹس پر جشن منایا گیا، جو یہ واضح کرتا ہے کہ اس دہشت گردانہ حملے کے پیچھے بھارتی مداخلت ملوث ہے۔بھارت کی ہندوتوا سوچ اور پر تشدد توسیع پسندانہ عزائم پورے خطے کے امن و امان کے لیے سنگین خطرہ بن چکے ہیں۔